Tue, 17 October 2017
Your Visitor Number :-   1096560
SuhisaverSuhisaver Suhisaver
ਆਰੂਸ਼ੀ ਦੇ ਮਾਤਾ-ਪਿਤਾ ਜੇਲ੍ਹ 'ਚੋਂ ਰਿਹਾਅ               ਤਖ਼ਤ ਸ੍ਰੀ ਪਟਨਾ ਸਾਹਿਬ ਤੋਂ ਸਿੱਖ ਬੀਬੀਆਂ ਨੂੰ ਕੀਰਤਨ ਕਰਨ ਦੀ ਪ੍ਰਵਾਨਗੀ              

ਸ਼ਕਤੀਮਾਨ -ਪਰਮ ਪੜਤੇਵਾਲਾ

Posted on:- 20-07-2017

suhisaver

ਜ਼ਿੰਦਗੀ ਦੇ ਰਾਹਾਂ 'ਤੇ
ਹਰ ਰੋਜ਼ ਭਿਆਨਕ,
ਭਿਅੰਕਰਤਾਵਾਂ,
ਘਟਾ ਬਣ ਕੇ,
ਨੀਲੇ ਅਸਮਾਨ ਨੂੰ ਢੱਕ ਰਹੀਆਂ ਨੇ।

ਸਾਰੀ ਮਨੁੱਖਤਾ,
ਤੇ ਸਾਰੀ ਕੁਦਰਤ,
ਭੈਅ-ਭੀਤ ਹੈ।

ਵਿਗਿਆਨ ਦੀ ਮਣੀ,
ਕਿਲਵਿਸ਼ਾਂ ਦੇ ਹੱਥ ਹੈ।

ਕਿਲਵਿਸ਼ ਅਮੀਰ ਹੈ,
ਤੇ ਉਹ ਤੇਰੇ ਪਿੰਡ ਦਾ,
ਜ਼ਮੀਨ ਵਾਲਾ ਸਰਦਾਰ ਨਹੀਂ।

ਵਸਤੂਆਂ ਨੂੰ ਜਿਣਸਾਂ ਬਣਾਉਣ ਵਾਲਾ,
ਕਿਸੇ ਫੈਕਟਰੀ ਦਾ,
ਗੈਰ-ਮਨੁੱਖੀ ਨਾਜ਼ਾਇਜ਼ ਮਾਲਿਕ ਆ।

ਉਹ ਮਣੀ ਨੂੰ,
ਆਪਣੇ ਮੁਨਾਫੇ ਲਈ ਹੀ,
ਵਰਤਦਾ ਹੈ।

ਉਹ ਕੰਮ ਦੀਆਂ ਦਿਹਾੜੀਆਂ,
ਲੰਬੀਆਂ ਕਰਦਾ ਹੈ,
ਜਿੱਥੇ ਕੰਮ ਦੇ ਕਾਨੂੰਨੀ ਘੰਟਿਆਂ ਦੀ,
ਸਮਾਂ ਸੀਮਾਂ,
ਜ਼ਰੂਰੀ ਕੰਮ ਸਮਾਂ ਤੇ ਵਾਧੂ ਕੰਮ ਸਮਾਂ
'ਚ ਵੰਡੀ ਹੋਈ ਆ।

ਜ਼ਰੂਰੀ ਕੰਮ ਸਮਾਂ,
ਉਂਝ ਹੈ ਜਿਵੇਂ,
ਮੈਂ ਆਪਣੀ ਰੋਟੀ ਬਣਾ ਕੇ,
ਆਪ ਹੀ ਖਾਣੀ ਹੋਵੇ।

ਤੇ ਵਾਧੂ ਕੰਮ ਸਮਾਂ,
ਉਂਝ ਹੈ ਜਿਵੇਂ,
ਮੈਂ ਆਪ ਭੁੱਖਾ ਮਰਦਾ,
ਆਪਣੇ ਮਾਲਕ ਲਈ ਰੋਟੀ ਲਾਹੁੰਦਾ ਹੋਵਾਂ।

ਐ ਮਨੁੱਖ!
ਐ ਕਿਰਤੀ!
ਤੂੰ ਹੀ ਸ਼ਕਤੀਮਾਨ ਹੈ,

ਆ ਆਲਾ ਦੁਆਲਾ,
ਉੱਚੀਆਂ ਬਿਲਡਿੰਗਾਂ,
ਸੁਰੰਗਾ, ਪੁੱਲ ਸਭ,
ਤੇਰੀ ਇੰਜੀਨੀਅਰਿੰਗ ਸ਼ਕਤੀ,
ਤੇ ਮਿਹਨਤ ਦਾ ਰਲਵਾਂ ਮਿਲਵਾਂ
ਕਮਾਲ ਹੀ ਆ।

ਭੈੜੀਆਂ ਬਿਮਾਰੀਆਂ 'ਤੇ
ਤੇਰੀ ਖੋਜਾਂ ਦਾ ਜਿੱਤ,
ਮਨੁੱਖਤਾ ਦੀ ਉਮਰ ਲੰਬੀ ਕਰਦੀਆਂ ਨੇ।

ਪਰ ਇਹ ਕਿਲਵਿਸ਼ ਦਾ ਜੈਕਾਲ,
ਮਨੁੱਖਤਾ ਦੇ ਖਾਤਮੇ ਲਈ
ਬੰਬਾਂ ਨੂੰ ਬਣਾਉਂਦਾ ਹੈ।

ਤੂੰ ਜਾਗ,
ਕਿਉਂਕਿ ਸਾਰੀ ਦੁਨੀਆ ਤੇਰੀ ਹੈ।

ਤੂੰ ਪੜ,
ਉਨ੍ਹਾਂ ਮੁਨਾਫੇ ਦੇ ਸਿਧਾਂਤਾਂ ਨੂੰ,
ਜੋ ਸਰਮਾਏ ਦੀ ਉਮਰ ਵਧਾਉਂਦੇ ਨੇ।

ਤੂੰ ਖੋਜ ਉਸ ਤੋਤੇ ਨੂੰ,
ਜਿਸ 'ਚ ਸਰਮਾਏਦਾਰ ਕਿਲਵਿਸ਼ ਦੀ
ਜਾਨ ਹੈ।
 
ਤੂੰ ਆਪਣੀ ਧਿਰ ਨੂੰ,
ਮਜਬੂਤ ਕਰ।
ਤੂੰ ਪੜ ਨਾਲੇ ਪੜਾ,
ਕੰਮ ਦੇ ਘੰਟਿਆਂ ਨੂੰ,
ਕਾਨੂੰਨ ਮੁਤਾਬਿਕ ਘੱਟ ਤੋਂ ਘੱਟ ਕਰਨਾ।

ਤੇਰੀ ਮਣੀ,
ਕੰਮ ਦੇ ਘੰਟੇ ਨੇ।
ਤੂੰ ਖੋਹ ਲੈ,
ਆਪਣੀ ਤੇ ਸਾਰੀ ਦੁਨੀਆ ਦੀ ਆਜ਼ਾਦੀ ਨੂੰ,
ਤੇ ਆਨੰਦ ਮਾਣ,
ਮੰਜਾ ਡਾਹ ਕੇ,
ਨੀਲੇ ਅਸਮਾਨ ਦੇ ਥੱਲੇ,

ਕਿਉਂਕਿ ਕਾਲੇ ਬੱਦਲ ਉਡ ਜਾਣਗੇ,
ਫਿਰ ਕੁਦਰਤ ਤੇਰੀ ਹੋਵੇਗੀ,
ਤੇ ਤੂੰ ਕੁਦਰਤ ਦਾ।

Comments

Name (required)

Leave a comment... (required)

Security Code (required)



ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ