Mon, 18 November 2019
Your Visitor Number :-   1894332
SuhisaverSuhisaver Suhisaver
ਰਾਫੇਲ ਮਾਮਲੇ ਦੀ ਸੀ ਬੀ ਆਈ ਜਾਂਚ ਹੋਵੇ : ਪ੍ਰਸ਼ਾਂਤ, ਸ਼ੋਰੀ               ਮਲਵਿੰਦਰ ਤੇ ਸ਼ਿਵਿੰਦਰ ਹੱਤਕ ਅਦਾਲਤ ਦੇ ਦੋਸ਼ੀ ਕਰਾਰ              

ਜੇ ਮੈਂ ਨਾ ਹੁੰਦੀ ਤਾਂ – ਗੁਰਪ੍ਰੀਤ ਸਿੰਘ ਖ਼ੁਮਾਰ

Posted on:- 16-06-2013

ਜੇ ਮੈਂ ਨਾ ਹੁੰਦੀ ਤਾਂ ਕੀ ਹੁੰਦਾ
ਮਾਏ ਮੈਂ ਨਾ ਹੁੰਦੀ ਤਾਂ ਕੀ ਹੁੰਦਾ
 
ਨਾ ਸੋਗ ਹੁੰਦਾ ਪਿੰਡ ਸਾਰੇ ਵਿੱਚ
ਜੰਮਣ ’ਤੇ, ਵਿਹੜੇ ਚੁਬਾਰੇ ਵਿੱਚ
ਨਾ ਦੁਖੀ ਤੇਰਾ ਵੀ ਜੀ ਹੁੰਦਾ
ਜੇ ਮੈਂ ਨਾ ਹੁੰਦੀ ਤਾਂ ਕੀ ਹੁੰਦਾ



 
ਨਾ ਰਾਖੀ ਕਰਦਾ ਪੱਤ ਦੀ ਕੋਈ
ਨਾ ਗੱਲ ਸਿਖਾਉਂਦਾ ਮੱਤ ਦੀ ਕੋਈ
ਇਹ ਭਾਰ ਸਿਰਾਂ ’ਤੇ ਨਹੀਂ ਹੁੰਦਾ
ਜੇ ਮੈਂ ਨਾ ਹੁੰਦੀ ਤਾਂ ਕੀ ਹੁੰਦਾ
 
ਨਾ ਦਾਜ ਬਾਪੂ ਨੂੰ ਦੇਣਾ ਪੈਂਦਾ
ਸਿਰ ਨੂੰ ਨੀਵਾਂ ਨਾ ਹੋਣਾ ਪੈਂਦਾ
ਕਰਜ਼ਾ ਨਾ ਫਿਰ ਲੱਖ ਵੀਹ ਹੁੰਦਾ
ਜੇ ਮੈਂ ਨਾ ਹੁੰਦੀ ਤਾਂ ਕੀ ਹੁੰਦਾ
 
ਕੀ ਸੱਸ ਮੇਰੀ ਦਾ ਕਹਿਣਾ ਏ
ਪੁੱਤ ਤੇਰੇ ਤੋਂ ਇੱਕ ਲੈਣਾ ਏ
ਜੇ ਵੱਸ ਮੇਰੇ ਇਹ ਵੀ ਹੁੰਦਾ
ਜੇ ਮੈਂ ਨਾ ਹੁੰਦੀ ਤਾਂ ਕੀ ਹੁੰਦਾ
 
ਤੁਰਦੀ ਤੁਰਦੀ ਮੈਂ ਹਾਰ ਗਈ
ਮੇਰੀ ਹਯਾ ਹੀ ਮੈਨੂੰ ਮਾਰ ਗਈ
ਉਦੋਂ ਨਾਲ ਖੜਾ ਕੋਈ ਜੀਅ ਹੁੰਦਾ
ਜੇ ਮੈਂ ਨਾ ਹੁੰਦੀ ਤਾਂ ਕੀ ਹੁੰਦਾ
 
ਇਸ ਜੱਗ ਨੇ ਮੈਨੂੰ ਮਾਰ ਦਿੱਤਾ
ਜਿਉਂਦੀ ਨੂੰ ਹੀ ਅੱਜ ਸਾੜ ਦਿੱਤਾ
ਵੇ ਮੈਂ ਨਾ ਹੋਈ ਤਾਂ ਕੀ ਹੋਇਆ
ਹਾਏ ਮੈਂ ਨਾ ਹੋਈ ਤਾਂ ਕੀ ਹੋਇਆ

Comments

harmanjit singh

beautiful wording n wonderful poem . i like it so very much.

Security Code (required)



Can't read the image? click here to refresh.

Name (required)

Leave a comment... (required)





ਕਾਵਿ-ਸ਼ਾਰ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ