Mon, 23 October 2017
Your Visitor Number :-   1097984
SuhisaverSuhisaver Suhisaver
ਏਸ਼ੀਆ ਹਾਕੀ ਕੱਪ; ਭਾਰਤ ਸ਼ਾਨਦਾਰ ਜਿੱਤ ਨਾਲ ਫਾਈਨਲ 'ਚ ਪਹੁੰਚਿਆ               ਕਸ਼ਮੀਰ ਵਾਦੀ 'ਚ ਸੁਰੱਖਿਆ ਹਾਲਾਤ ਪਹਿਲਾਂ ਨਾਲੋਂ ਬੇਹਤਰ : ਜਨਰਲ ਰਾਵਤ              

ਚੇ ਗੁਵੇਰਾ: 'ਮੈਂ ਸਟਾਲਿਨ ਕਰਕੇ ਕਮਿਊਨਿਜ਼ਮ ਵੱਲ ਆਇਆਂ'

Posted on:- 11-10-2017

suhisaver

- ਨਿਕੋਸ ਮੋਤਾਸ

ਅਰਨੈਸਟੋ ਚੇ ਗੁਵੇਰਾ ਨਿਸ਼ਚਿਤ ਰੂਪ 'ਚ 20ਵੀਂ ਸਦੀ ਦੀ ਕਮਿਊਨਿਸਟ ਲਹਿਰ ਦੀ ਇੱਕ ਇਤਿਹਾਸਿਕ ਹਸਤੀ ਹੈ ਜੋ ਵੱਡੇ ਸਿਆਸੀ ਵਿਚਾਰਧਾਰਕ ਸਰੋਕਾਰਾਂ ਵਾਲੇ ਲੋਕਾਂ ਨੂੰ ਆਕਰਸ਼ਿਤ ਕਰਦੀ ਹੈ। ਕਈ ਵਰ੍ਹੇ ਪਹਿਲਾਂ ਬੋਲੀਵੀਆ ਵਿੱਚ ਕਾਇਰਤਾ ਨਾਲ ਉਨ੍ਹਾਂ ਦੀ ਹੱਤਿਆ ਕੀਤੀ ਗਈ, ਚੇ ਮਾਰਕਸਵਾਦੀਆਂ, ਖੱਬੇਪੱਖੀਆਂ ਅਤੇ ਪ੍ਰਗਤੀਸ਼ੀਲ ਪਾਰਟੀਆਂ ਅਤੇ ਸੰਗਠਨਾਂ, ਟ੍ਰਾਟਸਕੀਵਾਦ ਤੋਂ ਜੂਝਾਰੂ ਲੈਨਿਨਵਾਦ ਅਤੇ ਸੋਸ਼ਲ ਡੈਮੋਕਰੇਟਾਂ ਤੋਂ ਅਨਾਰਕੋ-ਲਿਬਰਟੇਨਜ ਤੱਕ, ਇੱਕ ਇਨਕਲਾਬੀ ਚਿੰਨ੍ਹ ਬਣ ਗਿਆ ਹੈ। ਬਹੁਤ ਸਾਰੇ ਲੋਕ ਇਸ ਅਰਜਨਟੀਨੀ ਇਨਕਲਾਬੀ ਦੀ ਪ੍ਰਸ਼ੰਸਾ ਕਰਦੇ ਹਨ ਅਤੇ ਆਪਣੇ ਆਪ ਨੂੰ 'ਸਟਾਲਿਨ ਵਿਰੋਧੀ' ਦਰਸਾਉਂਦੇ ਹਨ, ਸਟਾਲਿਨ ਨੂੰ ਨਫ਼ਰਤ ਕਰਦੇ ਹਨ ਅਤੇ ਫਿਟਕਾਰਦੇ ਹਨ ਅਤੇ ਉਹ ਅਕਸਰ ਸਟਾਲਿਨ ਯੁਗ ਨੂੰ ਅਖੌਤੀ 'ਅਪਰਾਧਕ' ਯੁੱਗ ਕਹਿੰਦੇ ਹਨ। ਇਹ ਵਿਰੋਧਾਭਾਸ ਕੀ ਹੈ ਅਤੇ ਇਤਿਹਾਸ ਦੀ ਇਕ ਵਿਅੰਜਨਾਂ ਇਹ ਹੈ: ਚੇ ਗੁਵੇਰਾ ਖ਼ੁਦ ਜੋਸੇਫ ਸਟਾਲਿਨ ਦਾ ਪ੍ਰਸ਼ੰਸਕ ਸੀ।

ਮਹਾਨ ਸੋਵੀਅਤ ਨੇਤਾ ਦੀ ਮੌਤ ਤੋਂ  63 ਸਾਲ ਬਾਅਦ, ਆਓ ਅਸੀਂ ਗੁਵੇਰਾ ਦੀਆਂ ਆਪਣੀਆਂ ਲਿਖਤਾਂ ਅਤੇ ਚਿੱਠੀਆਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਚੇਤੇ ਕਰੀਏ ਕਿ ਚੇ, ਜੋਸੇਫ ਸਟਾਲਿਨ ਬਾਰੇ ਕੀ ਸੋਚਦਾ ਸੀ।


1953 ਵਿਚ, ਗੁਆਟੇਮਾਲਾ 'ਚ, 25 ਸਾਲਾ ਚੇ ਨੇ ਆਪਣੀ ਆਂਟੀ ਬੇਟ੍ਰੀਜ਼ ਨੂੰ ਲਿਖੇ ਪੱਤਰ ਵਿਚ ਨੋਟ ਕੀਤਾ ਸੀ: 'ਇਨ੍ਹਾਂ ਰਾਹਾਂ ਤੇ ਚੱਲਦਿਆਂ, ਮੈਨੂੰ ਯੂਨਾਈਟਿਡ ਫ਼ਰੂਟ ਦੇ ਸ਼ਾਸਨ 'ਚੋਂ ਗੁਜਰਨ ਦਾ ਮੌਕਾ ਮਿਲਿਆ, ਇਹ ਇਕ ਵਾਰ ਫਿਰ ਮੈਨੂੰ ਯਕੀਨ ਦਿਵਾਉਂਦਾ ਹੈ ਕਿ ਇਹ ਪੂੰਜੀਵਾਦੀ ਔਕਟੋਪਸ ਕਿੰਨੇ ਭਿਆਨਕ ਹਨ। ਮੈਂ ਬੁੱਢੇ ਅਤੇ ਸੋਗੀ ਕਾਮਰੇਡ ਸਟਾਲਿਨ ਦੀ ਤਸਵੀਰ ਸਾਹਮਣੇ ਸੌਂਹ ਚੁੱਕਦਾ ਹਾਂ ਕਿ ਮੈਂ ਉਦੋਂ ਤੱਕ ਚੈਨ ਨਾਲ ਨਹੀਂ ਬੈਠਾਂਗਾ ਜਦੋਂ ਤੱਕ ਇਹ ਪੂੰਜੀਵਾਦੀ ਔਕਟੋਪਸਾਂ ਦਾ ਨਾਸ ਨਹੀਂ ਹੁੰਦਾ' (ਜੋਨ ਲੀ ਐਂਡਰਸਨ, ਚੇ ਗੁਵੇਰਾ: ਏ ਰੈਵੋਲਿਊਸ਼ਨਰੀ ਲਾਈਫ, 1997)।

ਕੁਝ ਸਾਲ ਪਹਿਲਾਂ ਗੁਆਟੇਮਾਲਾ ਤੋਂ ਚਿੱਠੀ ਲਿਖਣ ਬਾਅਦ- ਕਿਊਬਾ-ਗੁਵੇਰਾ ਵਿਚ ਕ੍ਰਾਂਤੀਕਾਰੀ ਪ੍ਰਕਿਰਿਆ ਦੌਰਾਨ ਚੇ ਸਟਾਲਿਨ ਪ੍ਰਤੀ ਆਪਣੇ ਵਿਚਾਰਾਂ ਦੀ ਮੁੜ ਪੁਸ਼ਟੀ ਕਰਦਾ ਹੈ:

'ਸਟਾਲਿਨ ਦੀਆਂ ਗਲਤੀਆਂ ਸਬੰਧੀ ਇਕ ਇਨਕਲਾਬੀ ਰਵੱਈਏ ਅਤੇ ਸੋਧਵਾਦੀ ਰਵੱਈਏ ਵਿਚ ਅੰਤਰ ਹੈ। ਤੁਹਾਨੂੰ ਸਟਾਲਿਨ ਨੂੰ ਉਸ ਇਤਿਹਾਸਕ ਪ੍ਰਸੰਗ 'ਚ ਵੇਖਣ ਦੀ ਲੋੜ ਹੈ ਜਿਸ ਵਿਚ ਉਹ ਵਿਚਰਦਾ ਹੈ, ਤੁਹਾਨੂੰ ਉਸ ਨੂੰ ਕਿਸੇ ਕਿਸਮ ਦੀ ਬੁਰਾਈ ਵਾਂਗ ਨਹੀਂ ਦੇਖਣਾ ਪੈਂਦਾ, ਪਰ ਉਸ ਖਾਸ ਇਤਿਹਾਸਕ ਪ੍ਰਸੰਗ ਵਿੱੱਚ ਡੈਡੀ ਸਟਾਲਿਨ ਕਾਰਨ ਮੈਂ ਕਮਿਊਨਿਜ਼ਮ ਵੱਲ ਆਇਆ ਹਾਂ ਅਤੇ ਕਿਸੇ ਨੂੰ ਨਹੀਂ ਆਉਣਾ ਚਾਹੀਦਾ ਅਤੇ ਮੈਨੂੰ ਇਹ ਦੱਸਣਾ ਚਾਹੀਦਾ ਹੈ ਕਿ ਮੈਨੂੰ ਸਟਾਲਿਨ ਨਹੀਂ ਪੜ੍ਹਨਾ ਚਾਹੀਦਾ। ਮੈਂ ਉਸਨੂੰ ਪੜ੍ਹਿਆ, ਜਦੋਂ ਉਸ ਨੂੰ ਪੜ੍ਹਨਾ ਬਹੁਤਾ ਚੰਗਾ ਨਹੀਂ ਸੀ। ਇਹ ਹੋਰ ਸਮਾਂ ਸੀ, ਅਤੇ ਕਿਉਂਕਿ ਮੈਂ ਬਹੁਤਾ ਜਾਣਿਆ ਪਛਾਣਿਆ ਨਹੀਂ ਸੀ ਜਾਂਦਾ, ਅਤੇ ਮੈਂ ਇੱਕ ਸਖਤ-ਸਿਰ ਵਾਲਾ ਵਿਅਕਤੀ ਹਾਂ, ਮੈਂ ਉਸਨੂੰ ਪੜ੍ਹਨਾ ਜਾਰੀ ਰੱਖਦਾ ਹਾਂ। ਖ਼ਾਸ ਕਰਕੇ ਇਸ ਨਵੇਂ ਦੌਰ 'ਚ, ਹੁਣ ਉਸ ਨੂੰ ਪੜ੍ਹਨਾ ਵਿਗੜਨ ਬਰਾਬਰ ਹੈ। ਫਿਰ ਵੀ, ਮੈਨੂੰ ਅਜੇ ਵੀ ਬਹੁਤ ਸਾਰੀਆਂ ਚੰਗੀਆਂ ਚੀਜ਼ਾਂ ਮਿਲਦੀਆਂ ਹਨ।'

ਸਟਾਲਿਨ ਦੀ ਅਗਵਾਈ ਦੀ ਸਿਫ਼ਤ ਕਰਦੇ ਹੋਏ, ਚੇ ਨੇ ਹਮੇਸ਼ਾ ਟ੍ਰਾਟਸਕੀ ਦੀ ਇਨਕਲਾਬੀ-ਵਿਰੋਧੀ ਭੂਮਿਕਾ ਵੱਲ ਇਸ਼ਾਰਾ ਕੀਤਾ, ਜਿਸ ਵਿੱਚ ਉਸਨੂੰ 'ਗੁਪਤ ਇਰਾਦਿਆਂ' ਅਤੇ 'ਬੁਨਿਆਦੀ ਗਲਤੀਆਂ' ਲਈ ਦੋਸ਼ ਦਿੱਤਾ ਗਿਆ। ਆਪਣੀ ਇੱਕ ਲਿਖਤ ਵਿੱਚ ਉਹ ਲਿਖਦੇ ਹਨ: 'ਮੈਂ ਸੋਚਦਾ ਹਾਂ ਕਿ ਬੁਨਿਆਦੀ ਤੌਰ ਤੇ ਟਰਾਟਸਕੀ ਗਲਤੀਆਂ ਤੇ ਅਧਾਰਿਤ ਸੀ ਅਤੇ ਉਸਦਾ ਗੁੱਝੇ ਵਿਵਹਾਰ ਗਲਤ ਸੀ ਅਤੇ ਉਸ ਦੇ ਆਖਰੀ ਸਾਲ ਵੀ ਚੰਗੇ ਨਹੀਂ ਸਨ। ਇਨਕਲਾਬੀ ਅੰਦੋਲਨ 'ਚ ਟਰਾਟਸਕੀਆ ਦਾ ਕੋਈ ਯੋਗਦਾਨ ਨਹੀਂ; ਜਿੱਥੇ ਪੇਰੂ 'ਚ ਉਹ ਸਭ ਤੋਂ ਜ਼ਿਆਦਾ ਸਨ, ਪਰ ਉਹ ਆਖਰਕਾਰ ਅਸਫਲ ਹੋਏ ਕਿਉਂਕਿ ਉਨ੍ਹਾਂ ਦੇ ਢੰਗ ਸਹੀ ਨਹੀਂ ਸਨ' (ਸਿਆਸੀ ਆਰਥਿਕਤਾ' 'ਤੇ ਟਿੱਪਣੀਆਂ' ਰੈਵੋਲਿਊਸ਼ਨਰੀ ਡੈਮੋਕਰੇਸੀ ਜਰਨਲ, 2007 ਚੇ ਗੁਵੇਰਾ)।

ਅਰਨੇਸਟੋ ਗੁਵੇਰਾ, ਮਾਰਕਸਵਾਦੀ ਦਰਸ਼ਨ ਦੀ ਵਿਕਸਤ ਜਾਣਕਾਰੀ ਦੇ ਨਾਲ ਇੱਕ ਬਹੁਤ ਵਧੀਆ ਪਾਠਕ ਵੀ ਸੀ, ਸਟਾਲਿਨ ਦੀਆਂ ਲਿਖਤਾਂ ਸਮੇਤ ਮਾਰਕਸਵਾਦੀ-ਲੈਨਿਨਵਾਦੀ ਸ਼ਾਸ਼ਤਰੀ ਲਿਖਤਾਂ ਵਿੱਚ ਵੀ। ਇਸੇ ਲਈ ਉਸਨੇ ਅਰਮਾਂਦੋ ਹਾਰਟ ਦਾਵਲੋਸ ਨੂੰ ਲਿਖੇ ਇੱਕ ਪੱਤਰ, 'ਟਰਾਟਸਕੀ ਅਤੇ ਕਿਊਬਨ ਰੈਵੋਲਿਊਸ਼ਨ ਦੇ ਪ੍ਰਮੁੱਖ ਮੈਂਬਰ' ਵਿੱਚ ਲਿਖਿਆ ਹੈ।

'ਜੇਕਰ ਸੋਵੀਅਤ ਇੱਟਾਂ ਨੂੰ ਬਾਹਰ ਕੱਢਿਆ ਜਾਵੇ ਤਾਂ ਕਿਊਬਾ ਨੇ ਕੁੱਝ ਵੀ ਪ੍ਰਕਾਸ਼ਿਤ ਨਹੀਂ ਕੀਤਾ, ਜਿਸ ਨਾਲ ਇਹ ਤੁਹਾਡੇ ਸੋਚਣ ਲਈ ਅਸੁਵਿਧਾਜਨਕ ਨਾ ਹੋਵੇ; ਪਾਰਟੀ ਨੇ ਤੁਹਾਡੇ ਲਈ ਇਹ ਕੀਤਾ ਅਤੇ ਤੁਹਾਨੂੰ ਇਸ ਨੂੰ ਹਜ਼ਮ ਕਰਨਾ ਚਾਹੀਦਾ ਹੈ। ਮਾਰਕਸ, ਏਂਗਲਜ਼, ਲੈਨਿਨ, ਸਟਾਲਿਨ (ਮੂਲ ਰੂਪ ਵਿੱਚ ਚੇ ਦੁਆਰਾ ਰੇਖਾਂਕਿਤ) ਅਤੇ ਹੋਰ ਮਹਾਨ ਮਾਰਕਸਵਾਦੀਆਂ ਦੀਆਂ ਸੰਪੂਰਨ ਰਚਨਾਵਾਂ ਨੂੰ ਪ੍ਰਕਾਸ਼ਿਤ ਕਰਨਾ ਜ਼ਰੂਰੀ ਹੋਵੇਗਾ। ਇੱਥੇ ਵੱਡੇ ਸੋਧਵਾਦੀ (ਜੇ ਤੁਸੀਂ ਚਾਹੁੰਦੇ ਹੋ ਤਾਂ ਤੁਸੀਂ ਇੱਥੇ ਖਰੁਸ਼ਚੇਵ ਨੂੰ ਸ਼ਾਮਲ ਕਰ ਸਕਦੇ ਹੋ) ਵੀ ਆ ਸਕਦੇ ਹਨ, ਚੰਗੀ ਤਰ੍ਹਾਂ ਪਰਖੇ ਹੋਏ, ਕਿਸੇ ਹੋਰ ਨਾਲੋਂ ਜਿਆਦਾ ਸ਼ਕਤੀਸ਼ਾਲੀ ਅਤੇ ਤੁਹਾਡਾ ਦੋਸਤ ਟਰਾਟਸਕੀ, ਜੋ ਕਿ ਹਾਜਰ ਹੈ ਅਤੇ ਸਪੱਸ਼ਟ ਤੌਰ ’ਤੇ ਕੁਝ ਲਿਖਦਾ ਹੈ' (Contracorriente, ਨੰ. 9, ਸਤੰਬਰ 1 99 7) ।

ਸੋਵੀਅਤ ਲੀਡਰਸ਼ਿਪ ਦੀ ਅਗਵਾਈ 'ਚ ਬਾਅਦ ਸੀ ਪੀ ਐਸ ਯੂ ਦੀ 20ਵੀਂ ਕਾਂਗਰਸ ਤੋਂ ਬਾਅਦ ਚੇ ਲਈ ਸੋਵੀਅਤ ਮਾਰਗ ਚਿੰਤਾ ਦਾ ਸਰੋਤ ਬਣਿਆ ਹੋਇਆ ਸੀ। 'ਡੀ-ਸਟਾਲਿਨਾਈਜ਼ੇਸ਼ਨ' ਦੀ ਨੀਤੀ ਅਤੇ ਸਮਾਜਵਾਦ ਬਣਾਉਣ ਦੀ ਪ੍ਰਕਿਰਿਆ ਬਾਰੇ ਗਲਤ, ਮੌਕਾਪ੍ਰਸਤ ਧਾਰਨਾਵਾਂ, ਜੋ ਕਿ 1956 ਦੇ ਬਾਅਦ ਖਰੁਸ਼ਚੋਵ ਲੀਡਰਸ਼ਿਪ ਵੱਲੋਂ ਸ਼ੁਰੂ ਕੀਤੀਆਂ ਗਈਆਂ ਸਨ, ਇਸਨੇ ਇਨਕਲਾਬ ਅਤੇ ਸੋਸ਼ਲਿਜ਼ਮ ਬਾਰੇ ਗੁਵੇਰਾ ਦੇ ਨਜ਼ਰੀਏ 'ਤੇ ਆਪਣੇ ਗੰਭੀਰ ਪ੍ਰਭਾਵ ਪਾਏ।

ਗੁਵੇਰਾ ਦੇ ਜੀਵਨੀ ਲੇਖਕਾਂ ਵਿੱਚੋਂ ਇਕ, ਮੈਕਸਿਕੋ ਦਾ ਸਿਆਸਤਦਾਨ ਜੌਰਜ ਕਾਸਤਨੇਦਾ ਨੇ (ਕਮਿਊਨਿਸਟ ਵਿਰੋਧੀ ਪ੍ਰਸੰਗ ਨੂੰ ਜੋੜਦੇ ਹੋਏ) ਲਿਖਿਆ ਸੀ: 'ਇੱਕ ਸਮੇਂ  ਗੁਵੇਰਾ ਇੱਕ ਸਟਾਲਿਨਵਾਦੀ ਬਣ ਗਿਆ ਸੀ ਜਦੋਂ ਹਜ਼ਾਰਾਂ ਲੋਕ 'ਕਮਿਊਨਿਜ਼ਮ' ਤੋਂ ਨਿਰਾਸ਼ ਹੋ ਰਹੇ ਸਨ। ਉਸਨੇ 1956 ਵਿੱਚ ਸਟਾਲਿਨ ਦੇ 'ਸਾਮਰਾਜੀ ਪ੍ਰਚਾਰ' ਦੇ ਰੂਪ ਵਿੱਚ ਜੁਰਮ ਦੀ ਨਿੰਦਾ ਕਰਦੇ ਹੋਏ ਖਰੁਸ਼ਚੇਵ ਦੇ ਭਾਸ਼ਣ ਨੂੰ ਖਾਰਜ ਕੀਤਾ ਅਤੇ ਹੰਗਰੀ ਦੇ ਰੂਸੀ ਹਮਲੇ ਦਾ ਬਚਾਅ ਕੀਤਾ ਜਿਸ ਵਿੱਚ ਉਸਨੇ ਉਸੇ ਸਾਲ ਵਿੱਚ ਵਰਕਰਾਂ ਦੇ ਵਿਦਰੋਹ ਨੂੰ ਕੁਚਲ ਦਿੱਤਾ' (ਜੇ. ਕਾਸਤਨੇਦਾ, ਸਹਾਇਕ: ਚੇ ਗੁਵੇਰਾ ਦਾ ਜੀਵਨ ਅਤੇ ਮੌਤ, 1997) ।

ਨਵੰਬਰ 1960 ਨੂੰ ਖਰੁਸ਼ਚੇਵ ਦੁਆਰਾ ਕੀਤੀ 'ਡੀ-ਸਟਾਲਿਨਾਈਜ਼ੇਸ਼ਨ' ਦੀ ਸ਼ੁਰੂਆਤ ਤੋਂ ਚਾਰ ਸਾਲ ਬਾਅਦ ਅਰਨੈਸਟੋ ਚੇ ਗੁਵੇਰਾ ਕਿਊਬਾ ਸਰਕਾਰ ਦੇ ਇਕ ਸਰਕਾਰੀ ਪ੍ਰਤੀਨਿਧੀ ਦੇ ਤੌਰ 'ਤੇ ਰੂਸ ਦੇ ਮਾਸਕੋ ਆ ਰਹੇ ਸਨ। ਇਸ ਤਰ੍ਹਾਂ ਦੀ ਕਾਰਵਾਈ ਤੋਂ ਬਚਣ ਲਈ ਉਸ ਸਮੇਂ ਕਿਊਬਾ ਦੇ ਰਾਜਦੂਤ ਦੀ ਸਲਾਹ ਦੇ ਖਿਲਾਫ, ਚੇ ਨੇ ਕ੍ਰੈਮਲੀਨ ਕਸਬੇ 'ਤੇ ਸਟਾਲਿਨ ਦੀ ਕਬਰ' ਤੇ ਮੁਲਾਕਾਤ ਕਰਨ ਅਤੇ ਫੁੱਲ ਭੇਟ ਕਰਨ 'ਤੇ ਜ਼ੋਰ ਦਿੱਤਾ।

ਚੇ ਨੂੰ ਆਗੂ ਜੋਸਫ਼ ਸਟਾਲਿਨ ਅਤੇ ਸਮਾਜਵਾਦ ਦੇ ਨਿਰਮਾਣ ਵਿਚ ਉਨ੍ਹਾਂ ਦੇ ਯੋਗਦਾਨ ਲਈ ਡੂੰਘੀ ਪ੍ਰਸ਼ੰਸਾ ਸੀ। ਅਤੇ ਇਸੇ ਕਰਕੇ ਚੇ ਨੇ ਆਪਣੇ ਆਪ ਨੂੰ ਕਿਹਾ, 'ਤੁਹਾਨੂੰ ਸਟਾਲਿਨ ਨੂੰ ਉਸ ਇਤਿਹਾਸਕ ਪ੍ਰਸੰਗ ਵਿੱਚ ਵੇਖਣ ਦੀ ਜ਼ਰੂਰਤ ਹੈ ਜਿਸ ਖਾਸ ਇਤਿਹਾਸਕ ਪ੍ਰਸੰਗ ਵਿੱਚ ਉਹ ਵਿਚਰਦੇ ਹਨ'। ਇਹ ਇਤਿਹਾਸਕ ਸੰਦਰਭ ਅਤੇ ਸਟਾਲਿਨ ਨੇ ਬਹੁਤ ਹੀ ਉਲਟ ਅਤੇ ਔਖੇ ਸਮਾਜਿਕ, ਆਰਥਿਕ ਅਤੇ ਰਾਜਨੀਤਕ ਮਾਹੌਲ ਵਿੱਚ ਸਟਾਲਿਨ ਨੇ ਸੋਵੀਅਤ ਯੂਨੀਅਨ ਦੀ ਅਗਵਾਈ ਕੀਤੀ ਸੀ, ਜਦੋਂ ਐਂਟੀਲੈਲਿਨਵਾਦ ਦੇ ਸਮਰਥਕਾਂ ਮੂਕ ਸਨ। ਉਹ ਇਸ ਗੱਲ ਨੂੰ ਅਣਗੌਲਿਆਂ ਕਰਦੇ ਹਨ ਕਿ ਸੋਵੀਅਤ ਯੂਨੀਅਨ ਵਿਚ ਸਮਾਜਵਾਦ ਬਣਾਉਣ ਦੀ ਪ੍ਰਕਿਰਿਆ ਭਿਆਨਕ ਜਮਾਤੀ-ਸੰਘਰਸ਼ ਦੇ ਨਾਲ-ਨਾਲ ਘਰੇਲੂ ਅਤੇ ਬਾਹਰੀ (ਸਾਮਰਾਜੀ ਘੇਰਾਬੰਦੀ) - ਖਤਰੇ ਦੇ ਨਾਲ ਹੋ ਰਹੀ ਹੈ, ਜਦਕਿ ਉਦਯੋਗੀਕਰਨ ਦੇ ਪ੍ਰਤੀਕਰਮਾਂ ਅਤੇ ਵਿਆਪਕ ਭੰਨਤੋੜ ਦੇ ਵੱਡੇ ਯਤਨਾਂ ਦਾ ਸਾਹਮਣਾ ਕੀਤਾ ਜਾ ਰਿਹਾ ਹੈ।

ਜੋਸਫ਼ ਸਟਾਲਿਨ, ਇੱਕ ਸ਼ਖਸੀਅਤ ਅਤੇ ਆਗੂ ਦੇ ਰੂਪ ਵਿੱਚ ਇੱਕ ਵਿਸ਼ੇਸ਼ ਇਤਿਹਾਸਿਕ ਪ੍ਰਸੰਗ 'ਚ ਲੋਕਾਂ ਦੀ ਕਾਰਵਾਈ ਦਾ ਉਤਪਾਦਨ ਸਨ। ਅਤੇ ਇਹ ਸਟਾਲਿਨ ਹੀ ਸੀ ਜਿਸਨੇ ਲੈਨਿਨ ਦੀ ਮਜ਼ਬੂਤ ਵਿਚਾਰਧਾਰਕ ਵਿਰਾਸਤ ਦੇ ਆਧਾਰ ਤੇ ਬੋਲਿਸ਼ਵਿਕਸ ਪਾਰਟੀ (ਏ.ਯੂ.ਸੀ.ਪੀ.-ਬੀ) ਅਤੇ ਸੋਵੀਅਤ ਲੋਕਾਂ ਦੀ 30 ਸਾਲ ਤੱਕ ਅਗਵਾਈ ਦਿੱਤੀ। ਇੱਕ ਅਸਲੀ ਕਮਿਊਨਿਸਟ ਹੋਣ ਦੇ ਨਾਤੇ, ਇੱਕ ਸੱਚਾ ਇਨਕਲਾਬੀ-ਸਿਧਾਂਤ ਅਤੇ ਅਭਿਆਸ ਵਿੱਚ-ਅਰਨੇਸਟੋ ਚੇ ਗੁਵੇਰਾ ਇਸ ਇਤਿਹਾਸਕ ਅਸਲੀਅਤ ਨੂੰ ਨਿਸ਼ਚਿਤ ਰੂਪ ਵਿੱਚ ਪਹਿਚਾਣ ਅਤੇ ਪ੍ਰਸ਼ੰਸ਼ਾ ਦੇਵੇਗਾ।

ਅਨੁਵਾਦ - ਮਨਦੀਪ
[email protected]

Comments

Name (required)

Leave a comment... (required)

Security Code (required)



ਨਿਬੰਧ

ਆਬ ਪਬਲੀਕੇਸ਼ਨਜ਼ ਵੱਲੋਂ ਪ੍ਰਕਾਸ਼ਿਤ ਪੁਸਤਕਾਂ